എനിക്കയാളെ  പിന്തുടരണം...
അയാളിനി പോകാനിരിക്കുന്ന
 മഴ നിലക്കാത്ത നാടുകളും
പ്രണയിച്ചു മരിക്കാത്ത ആളുകളും
 കെട്ടുകഥകൾ കൊണ്ട്
സങ്കടം പറയുന്ന വിരുതും...എല്ലാം എനിക്ക് വേണം....
അയാളുടെ മുടിയിഴകൾ കത്തിയ ചാരം കൊണ്ട്
 ആകാശം നരച്ച്, മേഘം കനത്ത് മഴ പെയ്യും...
അയാളുടെ പൊട്ടിച്ചിരിയിൽ
നീതികെട്ട ഭരണകൂടങ്ങൾ വിറയ്ക്കും,അടിതെറ്റി വീഴും.
വീഴട്ടെ!
അയാളുടെ നോട്ടത്തിൽ,
അയാളുടെ കണ്പീളികൾ
 വെയില് കൊണ്ട് പൊള്ളിയവർക്ക്
 തണലാവുകയും ചെയ്യും...
തീർച്ചയായും എനിക്കയാളെ പിന്തുടരണം:
മറ്റൊരുടുപ്പിൽ..മറ്റൊരു രൂപത്തിൽ .